Veysel Vesek

Ji bo guhdarîkirinê:

Baroya Mêrdînê di sala 1956’an de wekî baroyeke serbixwe hatiye ava kirin. Her baro ji bo tomarkirina endamên xwe tomarekî-sicîlekî çêdike û navê wê Lîste an jî Lewha ye. Berî çend mehan min li Hayyam Sahaf ya li Mêrdînê du Lîste-Lewhayên Baroya Mêrdînê peyda kirin. Lîsteya- Lewhaya yekemîn ya salên 1970-71’an, ya duyemîn lîsteya sala 1974’an e.

Lîsteya Baroyê Mêrdînê ya sala 1974’an
Baroya Mêrdînê wekî Lîsteya- Lewhaya Baroyê di sala 1971’ê, di meha reşemî/sibatê de pirtûkek çap kiriye. Ev lîsteya Baroya Mêrdînê li bajarê Mêrdînê, di matbaaya “Doguş”ê hatiye çapkirin. 
Di rûpela ewil da wiha hatiye nivîsîn: “Lîsteya Baroya Mêrdînê ya salên 1970-71’ê li gorî rêzkirina alfabetîka paşnavan hatiye sazkirin.” Her wiha di rûpela duyemîn de “Ev lîste li gorî kanûna Parêzeriyê ya hejmar 1136 û xala 75’emîn hatiye dirûstkirin” hatiye nivîsîn. 
Di vê lîsteya Baroya Mêrdînê de navê parêzer û reqama tomara wan û fotografekê wan hatiye danîn. 
Li gorî vê lîsteya Baroya Mêrdînê serokê Baroyê parêzer Yunus Kavak e û sicîl-tomara wî 11 e, yanî yazdehemîn parêzerê Baroya Mêrdînê ye. Di lîsteyê de 27 parêzer qeyd kirine. Ji van 27 parêzerên li Baroya Mêrdînê qeyd kirî; 17 li navenda Mêrdînê, li navçeya Midyadê 4, li navçeya Qoserê (Qezê) 2 (Davut Samanci û Adnan Ugurlu) û li navçeya Cizîrê 2 parêzer dixebitin (Şerafettîn Elçî, Nurettîn Yilmaz).

Wexta mirov vê lîsteyê dinirxînê gelek têbînî derdikevin holê. .Ev lîsteya Baroya Mêrdînê ji bo dîroka parêzerîya Mêrdînê çavkanîyeke gelekî hêja ye. Ji ber ku di lîsteyê de hem nav û navnîşan û tomara parêzeran heye hem jî sûretê-fotografekê wan jî heye, çavkaniyeke gelekî balkêş e. 
We çaxê yanî di salên 1970-71’ê de li Mêrdînê tevahî 27 parêzer hene û li navçeyên Dêrika Çîyaê Mazî, Mehsertê, Kerboran, Stewr, Qebala û li Nisêbînê tu parêzer nîn in. 

Di nava parêzerên wî çaxî de, navê siyasetmedarên navdar rehmetî Şerafettîn Elçî û Nurettîn Yilmaz jî hene û fotografên wan jî wekî çavkaniyeke dîrokî ne. Tomara rehmetî Şerafettîn Elçî 25 e, ya rehmetî Nurettîn Yilmaz 24 e û her du jî li Cizîrê dixebitin. Her wiha bavê nivîskarê tirk Mûrathan Mûngan, Îsmaîl Mûngan jî di lîsta Baroya Mêrdînê ya salên 1970-71’ê de cih digire.

Lîsteya Baroyê Mêrdînê ya sala 1974’an
Baroya Mêrdînê lîsteya (lewha) xwe sala 1974’an bê fotograf çapkiriye. Di lîsteyê de nav û navnîşan û Sicîla parêzeran heye. Li bin hin navên parêzeran navçeya xebatê jî heye, lê hinek jî bê navçe -cih hatine nivîsandin. 
Di sala 1974’an Serokê Baroya Mêrdînê parêzer Celîl Can e û bi wî re 6 kes di lijneya rêveberîya Baroyê de cî digirin. Li gorî vê lîsteyê hejmara endamên Baroyê du qat zêdetir bûye û bûye 62. Her wiha heta sala 1971’ê li navçeya Stewrê û Nisêbînê parêzer nebûn, lê di salan 1974’an de du parêzer li Stewrê (Edîp Hamîdî û Yalçin Kavak) dixebitin. Li Nisêbîne parêzerekî dest bi karê parêzeriyê kiriye û navê wî Kemal Ozçelik e. 

Listeyên (Lewha) Baroyan ji bo dîroka parêzerîyê çavkanîyên gelekî baş in. Hêvî dikim ev lîsteyên Baroyan yên çapkirî hemû werin peyda kirin û rojekî di muzeyekê werina pêş mirovan.
Ez fotoyên herdu Lîsteyên Baroya Mêrdînê pêşkêşî xwînera dikim.

Ev e her du lewhe...